पर्वतको टकलाक गाबिसमा भएको हत्यामा संलग्न अभियुक्तलाई काबार्हीको माग गर्दै बुधवार गाउँलेले प्रंर्दशन गर्नुका साथी इलाका प्रहरी कार्यालय हुवास घेराउ गरेका छन ।
टकलाक गाबिस वडा नं ६ का थिरलाल न्यौपानेलाई कुटपिट गरी हत्या गरेको अभियोगमा प्रहरी नियन्त्रणमा रहेका दुई अभियुक्तलाई मुद्दा चलाउन माग गर्दै टकलाक र त्रिबेणीका बासिन्दाले टकलाक देखि हुवास हातेमालो चोकमा प्रर्दशन गरेका हुन ।
फागुन १४ गते भएको कुटपिटबाट घाइते भएका थिरलालको मणिपाल शिक्षण अस्पताल पोखरामा उपचारका क्रममा फागुन २५ गते मृत्यु भएको थियो । मृतकको १३ दिनको पुण्य तिथिमा हत्यामा संलग्न अभियुक्तले कुनै हालतमा पनि उन्मुक्ति नपाओस भनेर जनचेतना जगाउने र दबाब दिने उद्देश्यले प्रर्दशन तथा घेराउ गरिएको स्थानियबासी भिमलाल न्यौपानेले जानकारी दिए ।
न्यौपानलाई कुटपिट गरेको अभियोगमा सोही ठाउँका कृष्ण न्यौपाने र अमृत न्यौपाने प्रहरी नियन्त्रणमा रहेका छन । नियन्त्रणमा रहेका अभियुक्तलाई आर्थिक चलखेल गराई रिहा गराउने षडयन्त्र हुन सक्ने आशंका स्थानियबासीको छ ।
जिल्ला प्रहरी कार्यालय पर्वतका प्रमुख प्रहरी नायब उपरीक्षक श्यामकृष्ण अधिकारीले हत्यामा संलग्न भएकाहरुलाई म्याद थप गरी अनुसन्धान भैरहेको र कुटपिट स्विकार गरेका कर्तब्य ज्यान अभियोगमा मुद्दा चलाउने तयारी अन्तिम चरणमा पुगेको बताए । कर्तब्य ज्यान अभियोगमा मुद्दा चलाउने काम भैसकेकाले आशंका मान्नुपर्ने अबस्था नरहेको प्रहरी नायव उपरिक्षक अधिकारीको भनाई छ ।
कुटपिट भएपछि अभियुक्तलाई प्रहरीले नै पक्राउ गरेर ज्यानमार्ने उद्योगमा मुद्दा चलाउन अनुसन्धान थालेको छ र पछि मृत्यु भएपछि स्वतः कर्तब्य ज्यानमा मुद्दा चल्ने भनाई प्रहरीको छ । पहिले आफन्तले जाहेरी नदिदा समेत प्रहरीले नै सक्रियता देखाएर मुद्दाको अनुसन्धान थालेकाले अनुसन्धानमा आशंका गर्नु नपर्ने प्रहरीको भनाई छ ।
पर्वतमा पछिल्ला दिनमा अपराधीक घटना बढ्दै गएका बेला दबाबका लागि घेराउ र प्रर्दशन गर्ने क्रम बढेको छ ।
No comments:
Post a Comment