पर्वत सेवा समाज युएईको अध्यक्षमा राजेन्द्र अधिकारी
लालबहादुर ढेंगा, दुबई, युएई
दुबई । युएईस्थित कार्यरत नेपालीहरुकाई आई पर्ने समस्याका समाधान तथा विभिन्न चाड, पर्व र नेपाली संस्कृतिलाई प्रवासमा पनि उजागर गर्ने हेतुले सन् २०१३ मा पर्वतवासीहरुको पहलमा स्थापना गरिएको पर्वत सेवा समाज युएईले महाधिवेशन गरी राजेन्द्र अधिकारीको अध्यक्षतामा ३५ सदस्यीय नयां कार्यसमिति चयन गरेको छ । दुई बर्षे कार्यकाल सफलता पूर्वक पूरा गरेपछि गएको १३ मार्च शुक्रबारका दिन दुबईको ग्राण्ड फोर्चुन होटलमा सो प्रथम महाधिवेशन सम्पन्न भएको हो।
उक्त महाधिवेशनको प्रमुख अतिथिमा पर्वत सेवा समाज युएईका संरक्षक खेम भुर्तेल रहनुभएको थियो भने महाधिवेशनको अध्यक्षता पर्वत सेवा समाज युएईका निवर्तमान अध्यक्ष मणि भुर्तेलले गर्नुभएको थियो । त्यसैगरी बिशेष अतिथिमा सल्लाहकार डियल शर्मा रहनुभएको थियो । अन्य अतिथिहरुमा विभिन्न संघ संस्थाका प्रतिनिधिहरु, समाजसेवी, व्यवसायी र पत्रकारहरु रहेका थिए।
नेपाली राष्ट्रिय गान लगत्तै प्रमुख अतिथिका साथ अन्य अतिथिहरुको संयुक्त रुपमा दीयो प्रज्योलन गरी थालनी गरिएको कार्यक्रममा तिलक सापकोटाको शुभकामना मन्तव्य रहेको थियो । दुई बर्षभरिको आमदनी र खर्चको लेखा जोखा आर्थिक प्रतिवेदन निवर्तमान कोषाध्यक्ष पर्शुराम शर्माले प्रस्तुत गर्नु भएको थियो।
दुई चरणमा विभाजित गरिएको कार्यक्रमलाई पहिलो चरणको औपचारिक कार्यक्रमलाई सरोज जिसीले संचालन गर्नु भएको थियो भने सांस्कृतिक कार्यक्रमलाई बिक्रम पौडेल र दोस्रो चरणको कार्यक्रमलाई मणि भुर्तेलले संचालन गर्नु भएको हो।
स्थापनाकालदेखि नै समाज सेवामा लागिपरेको र छोटो अवधिमा धेरै उद्धार कार्यहरु गरेको उल्लेखनीय उदारहणहरु पर्वत सेवा समाज युएईको कार्यसूचीमा देख्न सकिन्छ । युएईस्थित संचालनमा रहेको अन्य संघ संस्थाहरुसंग हातेमालो गर्दै चाड पर्वहरु पनि मनाउदै आएका छन् । समाजलाई अझै सशंक्त ढंगले अगाडि लैजानमा कतिवद्ध रहेको भर्खरै मात्र चयन भएका अध्यक्ष राजेन्द्र अधिकारीले जानकारी दिए।
आगामी दुई बर्षे कार्यकालका लागि चयन भएका ३५ सदस्यीय पदाधिकारीहरुको नामावली क्रमशः यस प्रकार रहेको छ । संरक्षकमा खेम भुर्तेल र मणि भुर्तेल, अध्यक्षमा राजेन्द्र अधिकारी, प्रथम उपाध्यक्षमा पर्शुराम शर्मा, उपाध्यक्षमा विमल केसी र रामप्रसाद लामिछाने, कोषाध्यक्षमा भिमलाल काफ्ले, सहकोषाध्यक्षमा रुद्र सुवेदी, महासचिवमा सरोज जिसी, सचिवमा कमल लामिछाने र सहसचिवमा राजेन्द्र कार्की चयन भएका छन्।
त्यसैगरी अन्य सदस्यहरुमा शान्ति काफ्ले, सरस्वती कार्की, लक्ष्मण काफ्ले, कृष्ण जोशी, वेदनाथ आचार्य, किशन पुलामी मगर, कृष्ण तिवारी, गंगा सुवेदी, गणेश रोका, राजु क्षेत्री, ओमप्रकाश न्यौपाने, शेषराज तिमिल्सिना, सीता पौडेल, हरि लामिछाने, राजु भुर्तेल र रुद्र आचार्य रहेका छन् भने सल्लाहकारहरुमा गंगाधर शर्मा, सुदीप काफ्ले, बालकृष्ण अधिकारी, डियल शर्मा, कृष्ण भुसाल, प्रकाश सापकोटा, जगदिश पौडेल र गोपी भुसाललाई चयन गरेका छन्।
सोही अवसरमा पर्वत सेवा समाज युएईको दुबई क्षेत्रीय समितिको पनि नयां कार्यसमिति चयन गरेको छ । जसमा क्रमशः नामावली यस प्रकार रहेको छ । अध्यक्षमा तिलक सापकोटा, उपाध्यक्षमा बिनोद पौडेल, कोषाध्यक्षमा राजु थापा, सहकोषाध्यक्षमा हरिप्रसाद उपाध्याय, सचिवमा बिक्रम पौडेल र सहसचिवमा राजु शर्मा चयन भएका छन् । अन्य सदस्य पदहरुमा प्रेमप्रसाद सापकोटा, शोभाकान्त पौडेल, कृष्ण शर्मा पौडेल, कृष्ण शर्मा, ध्रुवदत्त गौतम, टिकाराम सापकोटा, पदम तिवारी र कमल सापकोटा रहेका छन्।
कार्यक्रमलाई रोचक तथा मनोरञ्जनात्मक बनाउनमा गायक हरि डुम्रे र गोपीकृष्ण पंगेनीको अहम भूमिका रहेको थियो । रंगारंग सांस्कृतिक माहौलमा निर्भिक नारायणको गजल र सरस्वती कार्कीको कविताले अझै सुनमा सुगन्ध थपिदिएको थियो । नयां कार्यसमितिलाई वक्ताहरुले आगामी कार्यकालका लागि शुभकामना समेत दिएका थिए।
